မိုးရာသီရောက်လာတာနဲ့အမျှ သတိထားရမှာကတော့ ဒီရာသီမှာ အဖြစ်များတဲ့ရောဂါတွေကိုပါ။
ရိုးရိုးဖျားနာ ၊ တုပ်ကွေးဖျား၊ သွေးလွန်တုပ်ကွေး ၊ ဝမ်းပျက်ဝမ်းလျှောရောဂါ စတဲ့ရောဂါတွေဟာ မိုးတွင်းမှာ ဖြစ်လွယ်သလို မပေါ့ဆသင့်တာလည်း အမှန်ပဲဖြစ်ပါတယ်။ စနစ်တကျ ကုသရင် သက်သာပျောက်ကင်းနိုင်ပေမယ့်လည်း မဖြစ်ခင်က ကြိုတင်ကာကွယ်ထားတာ အကောင်းဆုံးဖြစ်ပါတယ်။ ဒါကြောင့် မိုးတွင်းကာလမှာ နေမကောင်းမဖြစ်ရအောင်ဘယ်လို နေထိုင်ကြရမလဲဆိုတာ ပြောပြပေးပါမယ်။
ခြင်ကိုက်တာကြောင့် ဖြစ်လာမယ့် ရောဂါတွေကို ကာကွယ်ဖို့
- အိမ်ဘေးပတ်လည်မှာ ရှိတဲ့ ခြင်ခိုအောင်းနိုင်တဲ့ ပစ္စည်း၊ ရေဝပ်နိုင်တဲ့နေရာတွေကို ရှင်းထုတ်ပါ။
- အမှိုက်များကို စနစ်တကျ စွန့်ပစ်ပါ။
- အိမ်ကို လေဝင်လေထွက်ကောင်းအောင် ထားပါ။
- ခြင်ထောင်ထောင်ပြီး အိပ်ပါ။
- အဝတ်အစားကိုလုံလုံခြုံခြုံဝတ်ဆင်ပါ။
- ခြင်ဖျန်းဆေး အသုံးပြုပါ။
ဝမ်းလျှောတာမျိုး မဖြစ်ရအောင်
- လက်ကို ပုံမှန်ဆေးကြောပါ။
- သန့်စင်ပြီးသားရေကို သောက်ပါ။
- ယင်နားစာ စားခြင်းကို ရှောင်ပါ။
- အစားအစာများကို သေချာကျက်အောင် ချက်ပြုတ်ပြီး စားပါ။
- စားကြွင်းစားကျန်များကို စနစ်တကျစွန့်ပစ်ပါ။
ဖျားနာတုပ်ကွေးကို ရှောင်ရှားနိုင်ဖို့
- အာဟာရပြည့်ဝစွာ စားသုံးပါ။
- အိပ်ရေးဝအောင် အိပ်ပါ။
- လူစုလူဝေးထဲ သွားရင် mask တပ်ပါ။
- အပြင်က ပြန်လာပြီးတိုင်း လက်ဆေးပါ။
- flu vaccine ထိုးထားပါ။
အားလုံးလည်း ဖျားနာမှုမရှိဘဲ မိုးရာသီကို ကောင်းကောင်းဖြတ်ကျော်နိုင်ကြဖို့ မျှော်လင့်ပါတယ်…
