နွေရာသီမှာ အပူချိန်မြင့်တက်မှုကြောင့် ကိုယ်ခန္ဓာက ရေဓာတ်တွေဟာ တဖြေးဖြေး လျော့ကျပြီး ခန်းခြောက်လာစေပါတယ်။
လူ့ကိုယ်ခန္ဓာရဲ့ ၆၀% ကရေဓါတ်နဲ့ဖွဲ့စည်းထားတာဖြစ်တဲ့အတွက် အပူဒဏ်ကြောင့် ရေဓါတ်ခန်းခြောက်ခြင်းက အသက်ဆုံးရှုံးခြင်း အထိဖြစ်နိုင်တာကြောင့် နွေရာသီရောက်တိုင်း အထူးဂရုပြုဖို့လိုအပ်ပါတယ်။
ရေဓာတ်ခန်းခြောက်နေမှန်းဘယ်လိုသိနိုင်မလဲ
ရေငတ်ခြင်း /နှုတ်ခမ်းခြောက်ခြင်း
ဆီးအရောင်ရင့်ခြင်း
အိပ်ငိုက်ခြင်း
ခေါင်းကိုက်ခြင်း
အသားအရည်ခြောက်ခြင်း
မူးဝေခြင်း/ မိုက်ခနဲမူးခြင်း
ကြွက်တက်ခြင်း အစရှိတဲ့လက္ခဏာတွေ ကိုယ်ခန္ဓာမှာ ဖြစ်ပေါ်လာမှာဖြစ်ပါတယ်။
ရေဓာတ်မလျော့ကျအောင် ဘယ်လိုကာကွယ်ရမလဲ?
မနက်နိုးထလာတာနဲ့ ရေတဖန်ခွက်သောက်ပါ။
ကိုယ့်ရဲ့အနီးအနားမှာ ရေခွက်ရေဘူးတွေထားပြီး မကြာခဏသောက်ပေးပါ။
ရေဓာတ်ကြွယ်ဝတဲ့အစားအသောက် အသီးအရွက်တို့ကိုစားပါ။
နေအရမ်းပြင်းချိန်မှာ နေပူထဲထွက်ခြင်းကို ရှောင်ကြဉ်ပါ။ မဖြစ်မနေထွက်ရမည် ဆိုပါက ရေဘူးဆောင်သွားပါ။
ရေအစား ကဖင်းဓာတ်နဲ့ အားဖြည့်အချိုရည်သောက်တာကို တတ်နိုင်သလောက်ရှောင်ပါ။
စွပ်ပြုတ်၊ ဆန်ပြုတ်၊ ဟင်းချိုရည်သောက်ပါ။
အသားအရည်ကို ရေဓာတ်ဖြည့်တင်းပေးပါ။
လူ့ကိုယ်ခန္ဓာအတွက် ရေဓာတ်ဟာ မရှိမဖြစ်အရေးပါပြီး ပေါ့ဆမိမယ်ဆိုရင် နှလုံးရပ်သည်အထိ ဖြစ်သွားနိုင်တာကြောင့် မပေါ့ဆဖို့ မျှဝေဖော်ပြလိုက်ပါတယ်။
နွေရာသီမှာရေဓာတ်လျော့ကျမှုမဖြစ်စေဖို့ မိမိအပါအဝင် တစ်မိသားစုလုံး ဂရုစိုက်သင့်ပါတယ်နော်။
