Short Term Endowment

အာမခံထားသူသည် အာမခံသက်တမ်းကုန်ဆုံးသည်အထိ သေဆုံးခြင်းအကျိုးခံစားခွင့်၊ ထာဝစဉ်မသန်စွမ်း အကျိုးခံစားခွင့် ခံစားခဲ့ခြင်းမရှိပဲ အသက်ရှင်ကျန်နေပါက အာမခံထားငွေအပြည့်အဝကို ပေါ်လစီပိုင်ရှင်အား ထုတ်ယူခံစားခွင့် ပြုပါသည်။

တည်မြဲသွားသော ပေါ်လစီအတွက် ပေါ်လစီပိုင်ရှင်သည် ပရီမီယံဆက်လက်မပေးသွင်းနိုင်ခြင်းကြောင့် ယင်းပေါ်လစီကို စာရင်းပိတ်ပေါ်လစီအဖြစ် ပြောင်းလဲနိုင်ခွင့်ရှိပါသည်။

တည်မြဲသွားသော ပေါ်လစီအတွက် ပေါ်လစီပိုင်ရှင်သည် ပေါ်လစီရပ်စဲလိုလျှင် ပေါ်လစီ စာချုပ် အား ပြန်အပ်၍ အမ်းငွေ ထုတ်ယူခွင့်ရှိပါသည်။ အမ်းငွေ တန်ဖိုးသည် အမ်းငွေရသင့် ဇယားပါ နှုန်းအရ ပေါ် မူတည်၍ တွက်ချက်ပါသည်။

တည်မြဲသွားသော ပေါ်လစီအတွက် ပေါ်လစီပိုင်ရှင်သည် ချေးငွေချေးယူခွင့်ရှိပါသည်။

အာမခံထားသူသည် အာမခံသက်တမ်းအတွင်း ထာဝစဉ်မသန်စွမ်းဖြစ်၍ ဝင်ငွေရရှိနေသောအလုပ်ကို လုံးဝလုပ်ကိုင်နိုင်ခြင်း မရှိတော့လျှင် အာမခံထားငွေအပြည့်အဝကို ပေါ်လစီပိုင်ရှင်အား ထုတ်ယူခံစားခွင့် ပြုပါသည်။ အကယ်၍ စာရင်းပိတ်ပေါ်လစီအဖြစ် ပြောင်းလဲထားပါက စာရင်းပိတ်တန်ဖိုးအား ခံစားခွင့် ပြုပါသည်။

အာမခံထားသူသည် အာမခံသက်တမ်းအတွင်းသေဆုံးခဲ့လျှင် အာမခံထားငွေအပြည့်အဝကို အကျိုးခံစားခွင့် ရှိသူအား ထုတ်ယူခံစားခွင့် ပြုပါသည်။ အကယ်၍ စာရင်းပိတ်ပေါ်လစီအဖြစ် ပြောင်းလဲထားပါက စာရင်းပိတ်တန်ဖိုးအား ခံစားခွင့် ပြုပါသည်။