အရိုးအဆစ်နာကျင်မှုအကြောင်းသိကောင်းစရာ

အရိုးအဆစ်နာကျင်မှုဆိုတာ အဖြစ်များတဲ့ဝေဒနာတစ်ခုဖြစ်ပြီး အများအားဖြင့် လက်၊ ခြေထောက်၊ ပေါင်၊ ဒူး၊ ကျောရိုးတွေမှာ ဖြစ်တတ်ပါတယ်။ နာကျင်မှုက တောက်လျှောက်လည်းဖြစ်နိုင်ရှိသလို နာလိုက်ပျောက်လိုက်လည်းရှိပါတယ်။ တချို့လူတွေမှာ အဆစ်အမြစ်တောင့်တင်းတာ၊ ကိုက်ခဲတာခံစားရပြီး တချို့မှာတော့ မီးစနဲ့ထိုးသလိုပူတာ၊ ထိုးထိုးပြီးနာတာ၊ အထဲမှာ တစ်ခုခုပွတ်တိုက်နေသလိုခံစားရတာမျိုးတွေ ဖြစ်ပါတယ်။ ဒါ့အပြင် မနက်ခင်းမှာ အဆစ်တွေတောင့်တင်းနေပြီး လှုပ်ရင်းရှားရင်းနဲ့မှ သက်သာလာတာမျိုးလည်းရှိပါတယ်။

အရိုးအဆစ်နာစေတဲ့ အကြောင်းအရင်းများစွာရှိတဲ့အထဲက တချို့ကတော့ …

🌀 အရိုးနှစ်ခုကြားရှိ အရိုးနုပျက်စီးလာလို့ဖြစ်တဲ့ အဆစ်ရောင်ရောဂါ

🌀 ကိုယ်ခံအားစနစ်က မှားယွင်းပြီး အရိုးအဆစ်တွေကိုတိုက်ခိုက်လို့ ရောင်ရမ်းနာကျင်မှုတွေဖြစ်တဲ့ လေးဘက်နာအဆစ်ရောင်ရောဂါ

🌀 အဆစ်တွေကြားမှာ(အထူးသဖြင့် ခြေမမှာ) ကျောက်လေးတွေစုလာလို့ ရောင်ရမ်းနာကျင်တဲ့ဂေါက်ရောဂါ

🌀 အရိုးအဆစ်ကို အသုံးပြုပါများပြီး အဆစ်နားမှာရှိတဲ့ အရည်အိတ်ထိခိုက်ရောင်ရမ်းမှု

🌀 ဗိုင်းရပ်စ်ကူးစက်မှု၊ ဖျားနာမှု

🌀 ကြွက်သားနဲ့အရိုးကိုတွယ်ဆက်ထားတဲ့ အရွတ်ရောင်ခြင်းစတာတွေဖြစ်ပါတယ်။

ဘယ်လိုလူတွေမှာ အရိုးအဆစ်နာကျင်မှုအဖြစ်များလဲဆိုရင် …

🔹အရင်က အဆစ်မှာထိခိုက်ဒဏ်ရာရဖူးသူ

🔹ကြွက်သား၊ အရိုးအဆစ်ကို အသုံးပြုများသူ

🔹အဆစ်ရောင်ရောဂါ၊ နာတာရှည်ကျန်းမာရေးပြဿနာရှိသူ

🔹စိတ်ကျသူ၊ စိတ်ဖိစီးမှုများသူ

🔹ကိုယ်အလေးချိန်များသူ

🔹ကျန်းမာရေးမကောင်းသူတွေ

🔹အသက်ကြီးတဲ့သူတွေက ပိုဖြစ်နိုင်ခြေများပါတယ်။

နာကျင်မှုသက်သာအောင် ဘယ်လိုလုပ်ရမလဲ❓

နာကျင်မှုမှန်သမျှ လုံးဝအရှင်းပျောက်သွားအောင် ကုသလို့ရချင်မှရမယ်ဆိုပေမဲ့ သက်သာအောင်၊ နေလို့အဆင်ပြေအောင် လုပ်နိုင်တဲ့နည်းလမ်းတွေရှိပါတယ်။ အကိုက်အခဲပျောက်ဆေးသောက်ပြီး ပျောက်သွားနိုင်သလို ရိုးရှင်းတဲ့လေ့ကျင့်ခန်း နေ့တိုင်းလုပ်ပြီးကောင်းသွားတာလည်းရှိပါတယ်။ တခါတလေမှာတော့ ဆရာဝန်နဲ့ပြမှ၊ ခွဲစိတ်မှုလုပ်မှ ဝေဒနာသက်သာတတ်ပါတယ်။

အရိုးအဆစ်နာကျင်ရင် …

လေ့ကျင့်ခန်းပြုလုပ်ခြင်း
ဆေးသောက်ခြင်း
အပူ (သို့) အအေးကပ်ခြင်း၊ ရေ‌နွေးနဲ့ရေချိုးခြင်း
ကိုယ်အလေးချိန်လျှော့ချခြင်း
လိမ်းဆေးလူးခြင်း
ဆရာဝန်နဲ့တိုင်ပင်ပြီး ဖြည့်စွက်စာသောက်သုံးခြင်းစတာတွေနဲ့ သက်သာအောင်ပြုလုပ်နိုင်ပါတယ်။

ဒါမှမသက်သာဘူးဆိုရင် ဆရာဝန်ညွှန်ကြားတဲ့အတိုင်း …