AMI Life Student Saver Plan

ပရီမီယံသက်တမ်းပြီးသည်အထိ ပရီမီယံပေးသွင်းပြီးသည့်နောက် ပညာရေးအကျိုးခံစားခွင့်အဖြစ် ပရီမီယံသက်တမ်းပြည့်နေ့ မှ စတင်၍ အာမခံထားငွေ၏ ၂၅% ကို ၄ နှစ်ဆက်တိုက် အညီအမျှ အာမခံထားသူသို့ ထုတ်ပေးပါသည်။

ပေါ်လစီတည်မြဲနေစဉ်ကာလအတွင်း စာသင်သားအသက်အာမခံပေါ်လစီရှင် သေဆုံးလျှင်ဖြစ်စေ၊ ရောဂါ ကြောင့် သော်လည်းကောင်း၊ မတော်တဆထိခိုက်မှုကြောင့်သော်လည်းကောင်း၊ ထာဝစဉ်မသန်စွမ်းဖြစ်လျှင် ဖြစ်စေ ဆက်လက် ပေးသွင်းရန် ကျန်ရှိသော ပရီမီယံကိုပေးသွင်းရန်မလိုဘဲကင်းလွတ်ခွင့်ပြုပါသည်။

ပေါ်လစီတည်မြဲနေစဉ်ကာလအတွင်းအာမခံထားသူ(ကလေး)ရောဂါကြောင့်သော်လည်းကောင်း၊ မတော်တဆထိ ခိုက်မှုကြောင့်သော်လည်းကောင်း၊ ထာဝစဉ်မသန်စွမ်းဖြစ်လျှင် အာမခံထားသူ(ကလေး) သည်အသက်(၁)နှစ်မှ(၃)နှစ်အတွင်းဖြစ်ပါကအာမခံထားငွေ၏ ၂၅%သာထုတ်ပေးမည်ဖြစ်ပြီး အာမခံ ထားသူ(ကလေး) အသက်(၃)နှစ်ပြည့်ပြီး သည့်နေ့မှနောက်ပိုင်းထာဝစဉ်မသန်စွမ်း ဖြစ်လျှင်အာမခံ ထားငွေကို ထုတ်ပေးမည်ဖြစ်ပါသည်။

အာမခံဝယ်ယူသူသည်(၃)နှစ်တစ်ဆက်တည်းပရီမီယံပေးသွင်းပြီးနောက် ပေါ်လစီတစ်စောင်မှချေးငွေရယူနိုင်ခွင့်ရှိသည်။ အမ်းငွေရသင့်တန်ဖိုး၏ ၉၀%ကို ငွေချေးပေးပါသည်။

အာမခံဝယ်ယူသူသည် (၃)နှစ် တစ်ဆက်တည်းပရီမီယံပေးသွင်းပြီးသည့် ပေါ်လစီတစ်စောင်အား အကြောင်းကြောင်းကြောင့် ဖျက်သိမ်းလိုလျှင် အမ်းငွေထုတ်ယူနိုင်ပါသည်။ အမ်းငွေနှုန်းထား ဇယားပါ အတိုင်း ရခွင့်ရှိသည့် အမ်းငွေရသင့်တန် ဖိုးကိုအာမခံဝယ်ယူသူသို့တစ်လုံးတည်းထုတ်ပေးပါမည်။

အာမခံဝယ်ယူသူသည်ပရီမီယံကို(၃)နှစ်တစ်ဆက်တည်းသွင်းပြီး နောက်တွင် အကြောင်းတစ်စုံတစ်ရာ ကြောင့်ပရီမီယံဆက်လက်မသွင်းနိုင်တော့ကြောင်း အကြောင်းကြားလျှင်စာရင်းပိတ်ပေါ်လစီ အဖြစ် ပြောင်းလဲ သတ်မှတ်ပေးပါမည်။

ပေါ်လစီတည်မြဲနေစဉ်ကာလအတွင်းအာမခံထားသူ(ကလေး)သေဆုံးခဲ့လျှင်အာမခံထားသည့် ရင်သွေး ငယ်သည် အသက်(၁)နှစ်မှ(၃)နှစ်အတွင်း ဖြစ်ပါက အာမခံထားငွေ၏၂၅%သာ ထုတ်ပေးမည်ဖြစ်ပြီး အာမခံထားသူ(ကလေး)အသက်(၃)နှစ်ပြည့်ပြီးသည့်နေ့မှနောက်ပိုင်း သေဆုံးခဲ့လျှင် အာမခံထားငွေကို ထုတ်ပေးမည်ဖြစ်ပါသည်။